محمد فتحى ابن المنيا ينشر قصيدة تحت عنوان ( كنيسة و جامع و الدم واحد )فى رثاء شهداء الوطن

متابعة / كامل شحاتة

كتب الشاعر الشاب محمد فتحى ابن محافظة المنيا قصيدة تحت عنوان “كنيسة وجامع والدم واحد”يرثى فيها شهداء الوطن اثر الحادث الارهابى الغاشم الذى وقع ظهر أمس بمسجد قرية الروضة قال فيها:

قلمى و ورقى و سطورى 
بكوا كتير على المسيحيين
دلوقتى يا دايرة بتدورى
علي الجوامع و المسلمين

دايرة الإرهاب عمالة تلف
على باب الجامع و الكنيسة 
الدم مصرى معدش بيجف 
من أيادي الإرهاب الخسيسة

كنيسة و جامع و الدم واحد 
محدش هيفرقنا مستحيل
هنفضل أخوات و ربنا شاهد
كلنا شربنا من نفس النيل

مصر أقوى من الإرهاب
لو متعرفش راجع التاريخ
مش هنخاف من كلاب
فى أيديهم آلى و صواريخ

اوعى تقول أنك مننا
ولا دينك هو دينى
مهما سال دمنا
مش هتكسر إيدينى

إرهاب كلاب جبان خسيس
لا له اى دين ولا اى رب
دمنا بالنسباله دايما رخيص
عمال يدمر فى كل الشعب

متسألنيش و تقولى أيه القضية 
كل حاجة بقت على المكشوف 
الدم المصرى معدش له دية 
عند إرهاب أعمى فقد الشوف

إرهاب ميعرفش طريق ربنا
ولا يعرف باب الجنة منين
عمال يقتل فى شعبنا
بسم الله و بسم الدين

فاكر القتل و الدم و الموت
طريقهم واصل على الجنة
جاهل ميعرفش أن الملكوت
برئ من دم محمد و حنا

ناس بتصلى و تركع لله
يوم الجمعة عندهم عيد
وحوش حرمتهم من الحياة
مع ألف سلامة يا شهيد

محمد فتحى ابن المنيا ينشر قصيدة تحت عنوان ( كنيسة و جامع و الدم واحد )فى رثاء شهداء الوطن

اترك تعليقاً

لن يتم نشر عنوان بريدك الإلكتروني.

رفع الطوارئ بجميع الأقسام والمراكز على مستوى محافظة الدقهلية Previous post رفع الطوارئ بجميع الأقسام والمراكز على مستوى محافظة الدقهلية
بالصور : وزير الأوقاف ومحافظ الشرقية يطمئنان على صحة إمام مسجد الروضة بمستشفي الحسينية المركزي Next post بالصور : وزير الأوقاف ومحافظ الشرقية يطمئنان على صحة إمام مسجد الروضة بمستشفي الحسينية المركزي

Education Template

error: Content is protected !!