أبقى مين

بقلم / رأفت الشاعر

لما بدخل جوه حلمي

لما بشتاق يوم بعمري

من طفولتي من شبابي

من زماننا الجميل

تعرف انت لما بضحك

ضحكتي صوتها حزين

واما بصرخ صرختي

تردد انين

لما ألم أصحابي جنبي برضه

بشعر إني وحدي

نفسي أكون م المرتاحين

لما نور الفجر يطلع تلحقه عتمة سنين

في سؤال جوايا قاللي انت مين

لما دمع سحابة فايتة تنهمر يصحى الحنين

جوه قلبي إجابه حايرة كل يوم يحلف يمين

إن عمري طير وطاير يحكي آلام السنين

رحلته شايلة حمايل مين يشيل عنه ومين

أرجع أدخل جوه حلمي يمكن أهرب من ملامحي

أبكي ممكن..

أحكي يمكن..

بس صوتي يروح لمين

لف بيا العمر لفة ساب شعوري جوه زفة

تاه معاه حلمي القديم وانكتبلي

إني اكون م الصابرين

دايرة توسع جوه دايرة وأرجع أحلم إني عايش

جوه حلمي تبتدي تاني السنين

دور وداير خد معاه كل عمري جوه لوحة م الأنين

أرجع أهرب جوه حلمي يمكن أعرف أبقى مين

بقلم/ رأفت الشاعر ٢٠١٧/١١/٢٣

اترك تعليقاً

لن يتم نشر عنوان بريدك الإلكتروني.

Previous post تهنئة
إيفنكا تغادر البيت الأبيض مطرودة من قبل والدها Next post إيفنكا تغادر البيت الأبيض مطرودة من قبل والدها

Education Template

error: Content is protected !!