تسمحلي اموت ابنك ؟!

بقلم :إبراهيم سعد

طبعا ايوة انت قريت العنوان صح !!
و طبعا هتقول اية العنوان اللي يخض دة
و لكن فعلا في ناس بتعمل كدة و حتي بدون استئذان
اكيد طبعا دلوقتي كلة هيقول مستحيل احنا مش قلبنا ميت قوي كدة
هقول لحضرتك لا و مليون لا في ناس مش بس بتعمل كدة
لا دي بتشتري حاجه اسمها سجاير و تقعد تدخن في وش اي حد في الشارع و البيت و في المواصلات العامة و كأن دة شئ طبيعي و لازم كلنا نتقبلة عادي جدا
و لو طلبت منه ميموتش ولادك في وشك اقصد يدخن هيتضايق
طيب لو فعلا كل واحد بيعمل الحاجة اللي تعجبة من دخان بقي لغيرة من التصرفات هنبقي فعلا امة متحضرة
دة الدين امرنا بالتطهر دايما و في الاخر الجو كلة تدخين تدخين تدخين و يقول اصلي متعود
طيب حضرتك تسمح لابنك يعمل كدة !! لا طبعا طيب ما انت فعلا بتاهله من دلوقتي عشان يبقي قاتل رائع زيك ما انت القدوة اللي المفروض هيقلدها لما يكبر
و لما يلاقيك بتقتل الناس في اي مكان بدون اي مانع هيطلع زيك و هيقتل اى حد قدام الناس عادي جدا
يا مصريين يا كل واحد عندة شوية عقل مش معني ان التدخين من الفم يبقي عادي والقتل مش عادى
الغلط غلط حتي لو انتشر و الصح صح حتي لو اندثر
فبعد اذنك متقتلش ولادى ولا ولادك
يا تقتل نفسك لوحدك في مكان بعيد عن صحتنا و صحة اولادكم و اولادنا يا اما متشتريهاش و ابعد عنها لانها حرام في المقام الأول
السجائر فيها سم قاتل
السجائر قاتل صامت

 

اترك تعليقاً

لن يتم نشر عنوان بريدك الإلكتروني.

Previous post بطيشة .. مرشح رئاسة سبورتنج يلتقي مع شباب النادي وابطال فريق الثلاثي ..
Next post موجز أهم اخبار وأحداث اليوم الاثنين 13من نوفمبر من جريدة “الخبر”

Education Template

error: Content is protected !!